फाइल तस्बिर
काठमाडौं- नेपाली यू-१९ क्रिकेट टोली भारत भ्रमणमा जाने भएको छ । मलेसियामा आयोजना हुने आईसीसी यू-१९ विश्वकपको एसिया छनोटको तयारीका लागि गर्न टोली भारतको आन्ध्र प्रदेश जाने मुख्य प्रशिक्षक बिनोद दासले जानकारी दिए ।
नेपाली टोलीले भारतको आन्ध्र प्रदेशको रणजी खेलेका टिम र प्रदेशको यू-१९ टोलीसँग अभ्यास खेल खेल्ने छ । तर, भारत भ्रमणको मिति भने केहि दिनमा तय हुने मुख्य प्रशिक्षक दासले बताएबा छन् ।
एसिया छनोट अप्रिल दोस्रो साताबाट सुरु हुने छ । एसिया छनोटको विजेता टोलीले सन् २०२० मा दक्षिण अफ्रीकामा आयोजना हुने विश्वकप खेल्न पाउने छ । एसिया छनोटमा नेपालसहित, मलेसिया, सिंगापुर, युएई, कुवेत र ओमन रहेका छन् ।
प्रकाशित: Dec 31, 2017| 18:23 आइतबार, पुस १६, २०७४