गृहमन्त्री भन्छन्– 'जनमत संग्रह हुनै सक्दैन' 

भैरहवा- गृहमन्त्री रामबहादुर थापाले राष्ट्र निखण्डन गर्ने विषयमा जनमतसंग्रह हुनै नसक्ने बताएका छन् । 

भैरहवामा जारी प्रदेशस्तरीय सुरक्षा समीक्षा बैठकमा भाग लिन आइपुगेका मन्त्री थापाले सिके राउतका कार्यकर्ताले जनकपुरलगायतका क्षेत्रमा लागाएको स्वतन्त्र मधेसको नारा र अलग सुरक्षा दस्ता उनीहरुको बिदाइको क्षण भएको बताए । 

उनले भने, ‘यतिका वर्ष गरेको आन्दोलनको अन्तिम क्षणलाई उनीहरुले प्रदर्शन गरेका हुन् ।’ थापाले अब उप्रान्त त्यस्तो नहुने पनि बताए ।

राउत समूह राष्ट्रिय राजनीति नेपालको संविधान र कानुनको अधीनमा आएको पनि गृहमन्त्री थापाले बताए । मन्त्री थापाले देशको बिखण्डन गरने नारा लगाउने छुट कसैलाई नहुने पनि बताए ।