एजेन्सी- ला लिगाको दोस्रो स्थानमा रहेको एट्लेटिको मड्रिडले लेगानेसमाथि संघर्षपूर्ण जित निकालेको छ । शनिबार राती भएको खेलमा लेगानेसलाई १-० गोल अन्तरले पराजित गर्दै एट्लेटिकोले संघर्षपूर्ण जित निकालेको हो ।
पहिलो हाफ गोल रहित बराबरी भएको खेलको दोस्रो हाफमा एट्लेटिकोले गर्दै पाहुना टोलीलाई पराजित गरेको हो । घरेलु टोलीलाई महत्वपूर्ण जित दिलाउन खेलको एकमात्र निर्णायक गोल सउल नेगजले गरे ।
उनले खेलको ५० औं मिनेटमा उत्कृष्ट गोल गर्दै टोलीलाई जित दिलाए । त्यसपछि दुबै टोलीबाट कुनै पनि गोल हुन सकेन् । यस जितसँगै एट्लेटिकोले शीर्ष स्थानको बार्सिलोनालाई ७ अंकाको दुरीमा पछ्याएको छ ।
समान खेलमा शीर्ष स्थानको बार्सिलोनाको ६३ अंक छ भने एट्लेटिकोको ५६ अंक छ । पराजित लेगानेस ३३ अंक सहित लिगको १३ औं स्थानमा छ ।
शनिबार राती नै भएका अन्य खेलमा अलाभेस र एइबारले १-१ को बराबरी खेलेका छन् । त्यस्तै अर्को खेलमा गेटाफेले हुएस्कालाई २-१ ले पराजित गरेको छ ।
गेटाफेका लागि जइम माटाले दुई गोल गरे भने हुएस्काका लागि एन्रिक गालेगोले एक गोल गरे । यस जितसँगै गेटाफे ४५ अंक सहित चौंथो स्थानमा छ । पराजित हुएस्का २२ अंकसहित रेलिगेसन जोनमा छ ।
प्रकाशित: Dec 31, 2017| 18:23 आइतबार, पुस १६, २०७४