काठमाडौं- चौंथो संस्करणको झापा गोल्ड कपको दाबेदारको रुपमा हेरिएको थ्रि स्टार क्लब आयोजक टोली झापा-११ सँग पराजित हुँदै प्रतियोगिताबाट बाहिरिएको छ । शुक्रबार भएको सेमिफाइनल खेलमा थ्री स्टार झापासँग टाइब्रेकरमा ३-१ ले पराजित हुँदै प्रतियोगिताबाट बाहिरिएको हो ।
निर्धारित ९० मिनेटको खेल गोल रिहत बराबरी भएपछि १५ मिनेट समय थप गरिएको थियो । थपिएको समयमा पनि कुनै गोल हुन नसकेपछि खेलको निर्णय टाइब्रेकरमा पुगेको थियो ।
झापाका लागि पुजन उपरकोटी, देबेन्द्र तामाङ र गोलरक्षक दिनेश थापामगरले गोल गरेका थिए भने हेमन गुरुङ र कर्ण लिम्बुको प्रहार थ्री स्टारका गोलरक्षक एलेन न्यौपानेले बचाउ गरेका थिए ।
यता थ्री स्टारका रजिन धिमालले मात्र गोल गरे । अन्य खेलाडी बुद्ध लिम्बूको प्रहार गोलरक्षकले बचाएका थिए भने रुपेश केसी र मिक्चेन तामाङको प्रहार बाहिरिएको थियो ।
गोल्डकपको चौंथो संस्करणमा आइपुग्दा आयोजक झापा लगातार चौंथो पटक फाइनलमा प्रवेश गरेको छ । यद्दपी झापाले हालसम्म उपाधी रक्षा भने गर्न सकेको छैन ।
प्रकाशित: Dec 31, 2017| 18:23 आइतबार, पुस १६, २०७४