सिके राउत अखण्ड नेपालको पक्षमा, प्रधानमन्त्रीसँगै विशेष सम्बोधन गर्ने 

काठमाडौं- सर्वोच्च अदालतको आदेशअनुसार बिहीबार थुनामुक्त भएका सिके राउत अखण्ड नेपालको पक्षमा उभिएका छन् । स्वतन्त्र मधेशको नारा लगाउँदै आएका उनी थुना मुक्त भएसँगै १८० डिग्रीमा मोडिएका हुन् । 

राउत अखण्ड नेपालका पक्षमा उभिएको आधिकारीक जानकारी पाएसँगै प्रधानमन्त्री केपी शर्मा ओलीले सभागृहबाटै विशेष सम्बोधन गर्ने भएका छन् । दिउँसो १ बजे राष्ट्रिय सभागृहमा आकस्मिक रुपमा आयोजना गरिएको विशेष कार्यक्रममा प्रधानमन्त्रीले सम्वोधन गर्न लागेको बालुवाटार स्रोतले जनाएको छ । 

प्रधानमन्त्रीको सम्वोधन कार्यक्रममा पत्रकार, उच्चपदस्थ सरकारी कर्मचारी र उनका सहयोगीहरुको सहभागिता रहने बताइएको छ । प्रधानमन्त्रीसँगै राष्ट्रिय सभागृहबाट सिके राउतले पनि विशेष सम्बोधन गर्ने भएका छन् । उनले आफ्नो धारणा प्रस्ट रुपमा राख्ने र स्वतन्त्र मधेशको आन्दोलनलाई औपचारिक रुपमा त्यागेको घोषणा गर्ने स्रोतको दावी छ ।