एजेन्सी- अर्जेन्टिनी राष्ट्रिय टोलीका कप्तान समेत रहेको सुपर स्टार खेलाडी लियोनल मेस्सी आफ्नो राष्ट्रिय टोलीमा फर्किएका छन् । रुस विश्वकप २०१८ पछि लगातार राष्ट्रिय टोली बाहिर रहँदै आएका मेस्सी ९ महिनापछि पुनः टोलीमा फर्किएका हुन् ।
रुस विशवकपको शीर्ष १६ बाट विश्वकप विजेता फ्रान्ससँग पराजित हुदै बाहिरिए पछि मेस्सी टोली बाहिर रहदै आएका थिए । नयाँ प्रशिक्षक लियोनेल स्कालोनीले कप्तान मेस्सीलाई भेनेजुएला र मोरोक्कोविरुद्धको खेलका लागि टिममा बोलाउन सफल भएका हुन् ।
अर्जेन्टिनाले २२ मार्चमा स्पेनमा भेनेजुएलासँग खेल्दैछ । त्यसको चार दिनपछि मोरोक्कोसँग मैत्रीपुर्ण खेल खेल्ने तालिका छ । लियोनेल स्कालोनीको टिममा मेस्सी समावेश हुँदा म्यानचेस्टर सिटीका फरवार्ड सर्जियो अगुएरो, लोनमा चेल्सीबाट खेलिरहेका गोन्जलो हिगुआइन र इन्टर मिलानका फरवार्ड मौरो इकार्डीले टिममा स्थान बनाउन सकेनन् ।
प्रशिक्षक स्कालोनीले लौउटारो मार्टिनेज, जियोभानी सिमिओनी र डारियो बेनेडेटोलाई टिममा समावेश गरेका छन् ।
प्रकाशित: Dec 31, 2017| 18:23 आइतबार, पुस १६, २०७४