काठमाडौं- पश्चिमी वायुको प्रभावका कारण आइतबार पनि देशभरको मौसम प्रभावित भएको छ । शनिबार रातिदेखि सक्रिय पश्चिमी वायुका कारण केही स्थानमा मेघगर्जनसहित पानी पर्ने सम्भावना रहेको मौसमविद्हरुले जनाएका छन् ।
आज देशभरीकै मौसम बदली भई पश्चिमका धेरै तथा पूर्व र मध्यका केही ठाउँमा मेघगर्जनसहित पानी पर्ने सम्भावना रहेको मौसमविद् राजु प्रधानाङ्गले जानकारी दिए । उनका अनुसार आज उच्च पहाडी तथा हिमाली क्षेत्रमा हिमपातसमेत हुनेछ ।
सोमबार पनि मौसम नखुल्ने मौसम पूर्वानुमान महाशाखाले जनाएको छ । सोमबार मध्यान्हपछि देशका विभिन्न ठाउँमा आशिंक बदलि भइ वर्षा हुने मौसमविद् प्रधानाङ्गले जनाकारी दिए । उपत्यकामा पनि हल्का वर्षा हुने उनले बताए । वर्षासँगै उपत्यकालगायत देशभर बढेको चिसो अझै केहि दिन कायमै रहने जनाइएको छ ।
यो प्रणाली अहिले पश्चिमबाट मध्यतिर सरिरहेकाले पश्चिम र मध्य क्षेत्रको मौसम बदली भएको महाशाखाले जनाएको छ । मंगलबारबाट भने मौसममा सुधार आउने बताइएको छ ।
मौसम पूर्वानुमान महाशाखाका अनुसार-
फाल्गुन १९ गते (आइतवार):-
दिउँसो: देशभर मौसम सामान्य बदलि रहनेछ । देशका केहि स्थानहरूमा मेघ गर्जन सहितको हल्का बर्षाको सम्भावना छ। देशका उच्च हिमाली भु-भागहरूमा हल्का देखि मध्यम हिमपातको सम्भावना रहेको छ ।
राति: देशको पुर्वी भु-भाग लगायत मध्य र पश्चिमका पहाडी भु-भागमा आंसिक देखि सामान्य बदली रहने र बाँकी भु-भागमा आंसिक बदलि रहनेछ । देशका उच्च पहाडी र हिमाली भु-भागहरूमा हल्का वर्षा वा हिमपातको सम्भावना रहेको छ ।
फाल्गुन २० गते (सोमवार):-
दिउँसो: देशको पहाडी भु-भागमा आंसिक देखि सामान्य बदलि रहनेछ, बाँकी भु-भागमा आंसिक बदली रहनेछ । अपरान्ह पश्चात देशको पश्चिमी भु-भागका केहि स्थानमा साथै मध्य र पुर्वका पहाडी भु-भागका एक-दुई स्थानमा मेघ गर्जन सहित हल्का वर्षाको संभावना रहेको छ।
राति: देशको पहाडी भु-भागमा आंसिक देखि सामान्य बदलि रहनेछ, बाँकी भु-भागमा आंसिक बदली रहनेछ। पहाडी भु-भागका थोरै स्थानमा मेघ गर्जन सहित हल्का वर्षाको संभावना रहेको छ।
फाल्गुन २१ गते (मंगलवार):-
दिउँसो: देशको पहाडी भु-भागमा आंसिक देखि सामान्य बदलि रहनेछ, बाँकी भु-भागमा आंसिक बदली रहनेछ । अपरान्ह पश्चात देशको पुर्वी पहाडी भु-भागका केही स्थानमा र मध्य तथा पश्चिमी पहाडी भु-भागका थोरै स्थानमा मेघ गर्जन सहित हल्का वर्षाको संभावना रहेको छ।
राति: देशको पहाडी भु-भागमा आंसिक देखि सामान्य बदलि रहनेछ, बाँकी भु-भागमा मौसम सफा रहनेछ ।
प्रकाशित: Dec 31, 2017| 18:23 आइतबार, पुस १६, २०७४