पिएसजीको जितम एमबाप्पे नायक

एजेन्सी- युवा स्टर खेलाडी केलियन एम्बाप्पेले उत्कृष्ट प्रदर्शन गरेपछि फ्रान्सेली लिग वान फुटबलमा पेरिस सेन्ट जर्मेन (पिएसजी) विजयी भएको छ । शनिबार राति भएको खेलमा पिएसजीले काएनमाथि २-१ ले विजयी भएको हो । 

पिएसजीको जितका लागि दुवै गोल केलियन एम्बाप्पेले गरे । कएनका लागि कासिमिर निन्गाले एक गाले फर्काए । पहिलो हाफ बराबरी खलेको खेलमा सुरुवाती अग्रता भने कएनले लिएको थियो । 

कासिमिर निन्गाको गोलबाट ५६ औ मिनेटमा सुरुवाती अग्रता लिएको काएनले अग्रता जोगाउन नसकदा पराजित भएको हो । कासिमिर निन्गाले गोल गरेको तीन मिनेट नबित्दै एम्बाप्पे गोल गरे । 

उनले ५९ मिनेटमा गोल गर्दै खेल बराबरीमा ल्याए । उनले पेनाल्टीमा गोल गर्दै खेल बराबरीमा ल्याएका हुन् । त्यसपछि खेल सकिन तीन मिनेट बाँकी रहँदा पुनः व्यक्तीगत दोस्रो गेल गर्दै एम्बाप्पेले पिएसजीलाई २-१ को महत्वपुर्ण जित दिलाए ।

यसजितसँगै पिएसजीले लिगमा २० अंकको अग्रता बनाएको छ । दोस्रो स्थानको लिलीको ५१ अंक छ । काएन २० अंक सहित रेलिगेशन जोनमा रहेको छ ।