काठमाडौं- संघीय मामिला तथा सामान्य प्रशासन मन्त्रालयले समायोजित कर्मचारीको सूची सार्वजनिक गरेको छ । मन्त्रालयले पहिलो चरणमा लेखा अधिकृतहरुको समायोजन सूची सार्वजनिक गरेको हो ।
मन्त्रालयले सार्वजनिक गरेको सूचीअनुसार १ हजार १३२ लेखा अधिकृतहरुको समायोजन गरिएको छ । जसमध्ये संघमा ६१०, प्रदेशमा १९५ र स्थानीय तहमा ३२७ जना समायोजन भएका छन् ।
सरकारले गरेको समायोजनप्रति कर्मचारीहरुले आपत्ति जनाएका छन् । महालेखा परीक्षकको कार्यालयले लेखा समूहका सबै कर्मचारीहरुलाई संघमै राख्न आग्रह गर्दै आएको थियो ।
प्रकाशित: Dec 31, 2017| 18:23 आइतबार, पुस १६, २०७४