उपाधिका लागि महेन्द्रनगरले दियो अत्तरियालाई १२४ रनको लक्ष्य

धनगढी- तेस्रो संस्करणको धनगढी प्रिमियर लिग (डिपिएल) टी-२० क्रिकेटको फाइनल खेलमा महेन्द्रनगर युनाइटेडले सिवाइसी अत्तरियालाई उपाधिका लागि १ सय २४ रनको लक्ष्य सुम्पेको छ । टस जितेर पहिले ब्याटिङ थालेको महेन्द्रनगरले निर्धारित २० ओभरमा सबै विकेट गुमाउँदै १ सय २३ रन जोडेको हो ।

खराब सुरुवात गरेको महेन्द्रनगरका लागि दिलिप नाथले सर्वाधिक ४३ रन जोडे । उनले ४१ बलको सामना गर्दै ५ चौका र १ छक्का प्रहार गर्दै ४३ रन जोडेका हुन् । त्यस्तै कुसल मल्लले २५ रन जोडे । 

उनले २२ बलको सामना गर्दै एक चौका र खुई छक्का प्रहार गरे । रोहित कुमार पौडेलले २४ रन जोडे । उनले २० बलमा १ चौका र १ छक्का प्रहार गरे । आरिफ सेखले ११ र मोहमद नाभिदले १० रन जोड्दै पेभिलियन फर्के।

महेन्द्रनगरले सुरुवाती चार विकेट अत्तरियाका कप्तान दिपेन्द्र सिंह ऐरीको बलिङमा गुमाएका थिए । उको चार ओभरमा दुई रन आउट र दुई खेलाडी क्याच आउट भए । दिपेन्द्रले चार ओरभमा २४ रन खर्चदै दुई विकेट लिए । त्यस्तै दिपेन्लेद्र सिंह रावतले दुई तथा सन्नी पटेलले एक विकेट लिए ।