आज बस्ने भनिएको माओवादी केन्द्रको स्थायी कमिटी बैठक स्थगित

काठमाडौं- नेकपा माओवादी केन्द्रको आज बस्ने भनिएको स्थायी कमिटीको बैठक स्थगित भएको छ। 

मंगलबारदेखि सुरु भएको बैठक आज दिउँसो ३ बजे पनि बस्ने तय भएको थियो। तर, आजका लागि बस्ने भनिएको बैठक स्थगित भएको पार्टी केन्द्रीय कार्यालयका सचिव श्रीराम ढकालले जानकारी दिए। 

उनका अनुसार पार्टी अध्यक्ष पुष्पकमल दाहालको कार्यव्यस्तताका कारण बैठक स्थगित भएको हो। उनका अनुसार अर्को बैठक कहिले बस्ने भन्ने यकिन भइसकेको छैन।

आज बस्ने भनिएको बैठकले पार्टीको तर्फबाट सरकारमा सहभागी हुने मन्त्रीहरुको नाम टुंगो लगाउने भनिएको थियो।