काठमाडौं- अफगानिस्तानबाट उद्धार गरि कुवेत पुर्याइएका थप ८७ जना नेपालीलाई स्वदेश ल्याइएको छ। मंगलबार राति ११ बजे जजिरा विमानमार्फत कुवेतबाट थप ८७ जना नेपालीले त्रिभुवन अन्तर्राष्ट्रिय विमानस्थलमा अवतरण गरेको नेपाल नागरिक उड्यन प्राधिकरणका प्रवक्ता राजकुमार क्षेत्रीले बताए।
मंगलबार बिहान १ सय १८ जना नेपाली आइपुगेका थिए। अमेरिकी सरकारको बन्दोबस्तीमा नेपालीहरू स्वदेश फर्किएका हुन्।
अमेरिकी दूतावासमा सुरक्षागार्डका रूपमा रहेका ३ सय ८५ मध्ये २ सय ५ जना नेपाल आइपुगेका छन् भने उद्धार गरेर कतार पुर्याइएका अन्यलाई पनि स्वदेश ल्याउने तयारी भइरहेको छ।