भैरहवा- आगामी अप्रील ९ र १० गते भारतको पटनामा हुने अन्तराष्ट्रिय कराँते प्रतियोगिताको लागि खेलाडी छनोट भईरहेको छ ।
जापान गोजिरियो कराँते डो मिसन एशोसियसन नेपालको आयोजनामा जुनियर बेल्ट ग्रेडिङको छनोट प्रतियोगितामा ९६ जना सहभागी भएको काजी रानाले बताए ।
जापान गोजिरियो कराते डो मिसन एशोसियसन नेपालका मुख्य प्रशिक्षक रानाका अनुसार अन्तराष्ट्रिय पदक जित्ने उत्साहका साथ भईरहेको खेलाडी छनोट कार्यक्रमको शुभारम्भ ५ नं प्रदेश कराते महासंघका अध्यक्ष भरत केसीले गरेका थिए।
उक्त कार्यक्रममा प्रभात विद्यालयका अध्यक्ष ठाकुर प्रसाद पंगेनीसहित कराँतेका प्रशिक्षक तथा खेलाडीहरु सहभागी भएका छन्।
प्रकाशित: Dec 31, 2017| 18:23 आइतबार, पुस १६, २०७४