धनगढी- नेपाली जोन्टीका नामले परिचित नेपाली राष्ट्रिय टोलीका सदस्य भिम सार्कीले अविश्वासनीय क्याच गरेका छन् । उनले तेस्रो संस्करणको जारी धनगढी प्रिमियर लिग (डिपिएल) टी-२० क्रिकेट प्रतियोगितामा अविश्वासनीय क्याच गरेका हुन् ।
रुपन्देही च्यालेन्जर्सबाट डिपिएल खेली रहेका भिमले आफ्नो टोलीको दोस्रो खेलमा असम्भव क्याचलाई चरा जस्तै उड्दै सम्भव बनाए । उनले विराटनगर किङ्सबाट १६ रनमा खेली रहेका असाद उल्ला खानले कृष्ण कार्कीको बलमा प्रहार गरेको लामो प्रहारलाई लङ्ग इनबाट ढौडीदै क्याच गरेका थिए ।
जुन क्याचले जारी डिपिएलमा सनसनि समेत मच्चायो । उनको क्याच देखेर राष्ट्रिय टोलीका कप्तान पारस खड्काले समेत आफ्नो फेसबुकमा बधाई दिएका छन् । (हेरौ भिडियो)
प्रकाशित: Dec 31, 2017| 18:23 आइतबार, पुस १६, २०७४