एजन्सी- स्पेनिस ला लिगामा शीर्ष स्थानको बार्सिलोनाले १३ औं स्थानको एथलेटिको बिल्बाओसँग बराबरी खेलेको छ । आइतबार राति बिल्बाओको घरेलु मैदानमा भएको खेलम बार्सिलोना र बिल्बाओले गोल रहित बराबरी खेलेका हुन् ।
घरेलु मैदानमा निकैनै खरो प्रस्तुत भएको बिल्बओविरुद्ध बार्सिलोनाले कुनै पनि गोल गर्न सकेन । बिल्बाओ दोस्रो हाफको इन्जुरी समयमा १० खेलाडीमा सिमित भएको थियो । इन्जुरी समयमा बिल्बाोका ओस्कर डे मर्कोसले रातो कार्ड खाँदै मैदान बाहिरिएका थिए ।
बराबरी खेले पनि बार्सिलोना शीर्ष स्थानमा यथावत छ । २३ खेल खेलेको बार्सिलोना ५१ ऋंक सहित लिगको शीर्ष स्थानमा छ । जुन दोस्रो स्थानको रियल मड्रिड भन्दा ६ अंक बढी हो । यता बिल्बाओको भने समान खेलबाट २७ अंक सहित १३ औं स्थानमा छ ।
प्रकाशित: Dec 31, 2017| 18:23 आइतबार, पुस १६, २०७४