एजेन्सी- सन् २०१३-१४ को सिजन सान्टोसबाट नेयमार स्पेनिस क्लब बार्सिलोना पुगेका थिए । बार्सिलोनामा ला लिगाका तीन सिजन खेले पछि नेयमारले २०१६ मा पुनः पाँच बर्षको नयाँ समझौता गरेका थिए ।
जसमा ८.५ मिलियन थप नविकरण बोनस सहित साम्झौता गरेको थियो । तर, २७ बर्षीय ब्राजिलियन स्टार खेलाडी नेयमार गत सिजन विश्व कीर्तिमानी मुल्यमा फ्रेन्स लिग वान क्लब पेरिस सेन्ट जर्मन (पिएसजी) पुगे ।
पछिल्लो अन्तर्राष्ट्रिय सञ्चार माध्यममा प्रकाशित समाचार अनुसार नेयमार पुनः बार्सिलोना फर्किनसक्ने बताउँदै आएका थिए । नेयमारलाई भित्र्याउन बार्सिलोनाले आफ्ना मिडफिल्डर फिलिप्पे काउटिन्होलाई बिक्री गर्ने बताईएको थियो ।
तर, बार्सिलोनाका भाइस-प्रिसिडेन्ट जोर्डी मेस्ट्रीले नेयमारलाई क्लबमा पुनः भित्र्यान नसक्ने बताएका छन । जोर्डीका अनुसार नेयमारले पिएसजी जाँदा बार्सिलोनाको आर्थिक तथा अन्य क्षेत्रमा समेत प्रभाव परेका बताएका छन् ।
‘फुबलका बिषयमा नेयमार विश्व फुटबलमा एक महान खेलाडी हुन् ।’ जोर्डीले भने, ‘तर, मेरो व्यक्तिगत रुपमा उनी क्लबमा पुनः अनुबन्धित हुने छैनन् । किनकी पहिलो कुरा आर्थिक छ र दोस्रो कुरा उनी एक पिएसजी खेलाडी हुन् ।’
उनले थपे, ‘नेयमारले २०१७ मा हामिलाई छोड्दै धेरै सताएका थिए । यतिमात्र हैन उनले र उनका प्रतिनिधिले माहिसँग एक बिषयमा बाचा गरेका थिए । तर, वास्तविकता अर्कै थियो । हामीलाई त्यो कुरा पछि मात्र थाहा भयोकी नेयरमार र उनका बुबाले दुई फरक-फरक खेल खेल्दै थिए ।’
नेयमारले १८ महिना पहिले लगाएको चोट जोर्डीले अहिलेसम्म नबिर्सेको बताएका छन् । उनले भने, ‘हामीलाई धेरै पैसाबाट सञ्चार माध्यमको हल्लाले बचाएको छ । उनले मलाई धेरै दुख दिएका छन् ।’
प्रकाशित: Dec 31, 2017| 18:23 आइतबार, पुस १६, २०७४