काठमाडौं- वर्षाले प्रभावित भएको नेपाल र यूएईबीच जारी टि-२० सिरिजको तेस्रो खेल केही बेरमा सुरु हुने भएको छ । बर्षा रोकिएकाले खेल केही बेरमा सुरु हुने बताईएको हो ।
नेपाली समय अनुसार २:४५ बजे सुरु हुने भिनएको खेल निरन्तर वर्षा र हावाहुरीका कारण केही बेर ढिलो भएको थियो । अब खेल आधा घन्टामा टस हुनेछ बताईएको छ ।
आउटफिल्ड राम्रो रहेकाले खेल चाडैं सुरु हुने भएको हो । खेल २० ओभरभन्दा कम हुनेछ र कति ओभर भन्ने टसपछि मात्र यकिन हुन सक्नेछ । खेल १० देखि १२ ओभर प्रति टोलीको हुने सम्भावना छ ।
युएईसँगको तीन खेलको टी-२० सिरिज १-१ को बराबरीमा छ । पहिलो खेलमा २१ रनले पराजित भएको नेपाल दोस्रो खेलमा विजयी भएको थियो ।
दोस्रो खेलमा नेपालका लागि युवा ब्याट्सम्यान दिपेन्द्र सिंह ऐरीले विजित ४७ रन जोडे पछि ४ विकेटले नेपालको जित सम्भव भएको थियो । यसअघिको एकदिवसीय सिरिज जित्दै नेपालले पहिलो पटक ऐतिहासिक सफलला पाएको थियो ।
प्रकाशित: Dec 31, 2017| 18:23 आइतबार, पुस १६, २०७४