काठमाडौं- भारतको बिहारमा रेल दुर्घटना हुँदा कम्तिमा ६ जनाको मृत्यु भएको छ भने दर्जनौ घाइते भएका छन् । आइतबा बिहान सीमाञ्चल एक्सप्रेसको रेल बैशाली भन्ने स्थानमा दुर्घटना हुँदा सो हताहती भएको हो ।
दुर्घटनामा परि घाइते भएकाहरुको उद्दार कार्य तिब्र पारिएको छ । बीबीसीका अनुसार रेलका नौ डिब्बा लिकबाट उछुट्टिएका छन् । कति घाइते भए भन्ने एकिन हुन नसकेको जनाइएको छ । धेरै यात्रुहरु डिब्बामा फसेका छन् । उनीहरुको उद्धारकार्य जारी छ ।
घटनास्थलमा सुरक्षाकर्मी, उद्धारकर्मी र स्वास्थ्यकर्मीको टोली खटिएको छ । रेल जोगबनीबाट आनन्द बिहार जाँदै थियो । दुर्घटनाको कारण भने खुल्न सकेको छैन ।
प्रकाशित: Dec 31, 2017| 18:23 आइतबार, पुस १६, २०७४