एजेन्सी- स्पेनिस कोपा डेल रे फुटबलको सेमिफाइनलमा बार्सिलोना र रियल मड्रिड भिड्ने भएका छन् । कोपा डेल रे’ले शुक्रबार सार्वजनिक गरेको सेमिफाइनल ‘ड्र’ अनुसार बार्सिलोना र रियल भिड्ने भएका हुन् ।
सेमिफाइनलको पहिलो लेग बार्सिलोनाको घरेलु मैदानमा ७ फेब्रुअरीमा हुनेछ । त्यस्तै दोस्रो लेग २७ फेब्रुअरीमा रियलको घरेलु मैदानमा हुनेछ ।
त्यस्तै सेमिफाइनल कै अर्को खेलमा रियल बेटिस र भ्यालेन्सियाबीच भिड्न्त हुने भएको छ । बार्सिलोना यसअघिको लगातार चारपटकको च्याम्पियन हो । रियलले २०१३-१४ को सिजनमा बार्सिलोनालाई पराजित गर्दै उपाधि जितेको थियो ।
यो सिजन बार्सिलोना र रियल तीनपटक आमने-सामने भएका छन् । दुई खेलमा बार्सिलोनाले जित हात पार्दा एक खेल बराबरीमा रोकिएको छ ।
प्रकाशित: Dec 31, 2017| 18:23 आइतबार, पुस १६, २०७४