डोटीमा प्रधानमन्त्री ओलीको पुत्ला दहन

डोटी- डोटीको सिलगडीमा प्रधानमन्त्री केपीशर्मा ओलीको पुत्ला दहन गरिएको छ। देशका विभिन्न ठाँउमा प्रधानमन्त्रीको विरोध चलिरहेका बेला नेपाल विद्यार्थी संघ डोटीले डोटीको सदरमुकाम सिलगडीमा प्रधानमन्त्रीको पुत्ला दहन गरेको हो। 

कम्युनिष्ट सरकारले नेपाली जनताले दिएको बहुमतको दुरुपयोग गरि एकपछि अर्को गर्दै गलत निर्णय गर्न थालेको भन्दै विरोधमा पुत्ला दहन गरिएको नेविसंघ डोटी जिल्लाका अध्यक्ष गणेश खड्काले जानकारी दिए। 

सरकारको विरोधमा नारावाजी गर्दै जिल्ला प्रशासन अगाडि पुत्ला दहन गरिएको हो। विरोध कार्यक्रममा नेविसंघ डोटी जिल्लाका अध्यक्ष गणेश खड्का लगायत नेविसंघ डोटी जिल्लाका नेता विजय ओझा, दिपेन्द्र सिंह, मोहन ओझाको उपस्थिती रहेको थियो।