काठमाडौं- बुधबार गौतम बुद्ध अन्तर्राष्ट्रिय रंगशाला घोषणा गरेसँगै रंगशालाको उद्घाटन खेलमा भारत र पाकिस्तानबीचको खेल गराउने भरतपुर महानगरपालिकाकी मेयर रेणु दाहालले बताएकी छिन् ।
धुर्मुस सुन्तली फाउण्डेशनले २ बर्षभित्र तयार गराउने योजना रहेको उक्त रंगशालको उद्घाटन खेलमा भारत र पाकिस्तानबीच हुने मेयर दाहाले बताएकी हुन् ।
भारत र पाकिस्तानबीच सम्बन्ध राम्रो नरहेको र एक अर्काको देशमा गएर क्रिकेट खेल्ने अवस्था नरहेका कारण नेपाल दुवै देशका लागि उपयुक्त स्थान रहेको बताईन् ।
त्रिभुवन विश्वविद्यालयको स्वामित्वमा चितवनको भरतपुर-१६ मा रहेको कृषि तथा वन विश्वविद्यालयको जग्गामा रंगशाला निर्माण हुनेछ । रंगशाला निर्माण गर्न अनुमानित खर्च ३ अरब लाग्ने धुर्मुस सुन्तली फाउण्डेशनले जनाएको छ ।
प्रकाशित: Dec 31, 2017| 18:23 आइतबार, पुस १६, २०७४