काठमाडौं- विवेकशील साझाले पार्टी विभाजनपछि पहिलो पटक राष्ट्रिय सन्देश भेलाको आयोजना गरेको छ ।
शनिबारबाट वानेश्वरको एक पार्टी प्यालेसमा सुरु भएको भेलामा पार्टीको अबको रणनीति, विभाजनको कारण र भावी कार्यदिशाको विषयमा छलफल हुने भएको छ । भेलामा सातै प्रदेशका जिल्लाहरुबाट करिव ५ सय प्रतिनिधि सहभागी भएको पार्टीका प्रवक्ता डा सूर्यराज आचार्यले जानकारी दिए ।
भेला शनिबार र आइतबार चल्ने छ । दुई दिन हुने छलफलको निर्णय भोली पत्रकार सम्मेलनमार्फत सार्वजनिक गरिने उनले बताए ।
प्रवक्ता आचार्यले भेलापछि पार्टी नयाँ सन्देश बोकेर जनता माझ पुग्ने बताए । उनले पार्टी विभाजनका विषय पछि देखिएको अन्योलता र बाहिर गएको गलत सन्देशलाई चिर्नका लागि भेलाले महत्वपूर्ण भूमिका खेल्ने उनको दावी छ ।
विकेशिल साझाको यो भेलालाई पहिलो महाधिवेशको तयारीका रुपमा समेत हेरिएको छ । २०७६ फागुन १५ देखि १९ सम्म महाधिवेशन गर्ने भनि यसअघि नै घोषणा गरिएको थियो ।
प्रकाशित: Dec 31, 2017| 18:23 आइतबार, पुस १६, २०७४