अष्ट्रेलिया एसियन कपको क्वार्टरफाइनलमा

एजेन्सी- अष्ट्रेलिया एसियन कप फुटबलको क्वार्टरफाइनलमा प्रवेश गरेको छ । सोमबार राति भएको खेलमा उज्वेकिस्तानलाई टाइब्रेकरमा ४-२ गोल अन्तरले पराजित गर्दै अष्ट्रेलिया प्रतियोगिताको क्वार्टरफाइनलमा प्रवेश गरेको हो ।

निधाति ९० मिनेट र अतिरिक्त समयको खेलमा दुबै टोलीकाछ कुनै पनि गोल हुन नसकेपछि खेलको निर्णय पेनाल्टी सुटआउटमा पुगेको थियो । जसमा अष्ट्रेलियाले उज्वेकिस्तानकालाई परजित गर्यो । 

पेनाल्टी सुटआउटमा अष्ट्रेलियाका खेलाडीले चार गोल गर्न सफल हुँदा उज्वेकिस्तानका दुई खेलाडी मात्र सफल भए । उज्वेकिस्तानका दुईवटा प्रहारलाई अष्ट्रेलियाका गोलकिपर म्याथ्यु रायनले बचाएका थिए । यसअघि भएको खेलमा साउदी अरेवियालाई १-० ले हराउँदै जापान क्वार्टरफाइनलमा पुगिसकेको छ ।