एजेन्सी- फ्रेन्च लिग वान फुटबलमा पेरिस सेन्ट जर्मन (पिएसजी)का टोलीका तीन वटै फरवार्ड चम्किँदा गुइग्याम्पमाथि फराकिलो अनतरले जित निकोको छ । शनिबार राति भएको खेलमा पिएसजीले गुइग्याम्पलाई ९-० गोलको फराकिलो अन्तरले पराजित गरेको हो ।
पिएसजीको जितका लागि युवा स्टार केलियन एम्बाप्पे र एडिसन काभानीले ह्याट्रिक गर्दा नेयमारले २ गोल तथा थोमस म्युनियरले १ गोल गरे । घरेलु मैदानमा भएको खेलमा पिएसजीले सुरुवाती समय देखीनै पकड जमाएको थियो ।
खेलको ११औं मिनेटमा नेयमारको गोल मार्फत सुरुवाती अग्रता लिएको पिएसजीले ३७औं मिनेटमा एमबाप्पेले गोलमार्फत अग्रता दोब्बर पार्यो । पहिलो हाफको अन्तिम समयमा एमबाप्पेले व्यक्तीगत दोस्रो गोल गर्दै पहिलो हाफमा ३-० को अग्रता बनाए ।
दोस्रो हाफमा थप ६ गोल गर्दा काभानी र एमबाप्पेले ह्याट्रिक पुरा गरे । काभानीले ५९औं र ६६औं मिनेटमा गोल गरे भने ६८औं मिनेटमा नेयमारले व्यक्तिगत दोस्रो गोल गर्दा ३ जनै खेलाडीले समान २-२ गोल गरे ।
त्यसपछि खेलको ७५औं मिनेटमा काभानीले गोल गर्दै आफ्नो ह्याट्रिक पूरा गरे । त्यस्तै एम्बाप्पेले ८०औं मिनेटमा गोल गर्दै ह्याट्रिक पूरा गरे । ७६औं मिनेटमा मैदान छिरेका डिफेन्डर म्युनियरले ८९औं मिनेटमा पिएसजीका लागि नवौं गोल गरेपछि खेल पिएसजीले ९-० ले जित्यो ।
लिगका १९ खेल खेल्दै अपराजित रहेको पिएसजीको ५३ अंक छ । जुन दोस्रो स्थानको क्लब भन्दा १३ अकं बडी हो ।
प्रकाशित: Dec 31, 2017| 18:23 आइतबार, पुस १६, २०७४