काठमाडौं– नेपाल मजदुर किसान पार्टी सांसद प्रेम सुवालले जनताको विरोधलाई बेवास्ता गरेर अगाडि बढाउने नेताहरू देश छाडेर जानुपर्ने अवस्था आउन सक्ने बताएका छन्। प्रतिनिधिसभाको सोमबारको बैठकमा विशेष समय लिएर बोल्दै उनले यस्तो बताएका हुन्।
‘एमसीसी अगाडि बढाउनेहरु अफगानिस्तानका राष्ट्रपति र उपराष्ट्रपति जस्तै देश छाडेर जाने परिस्थिति आउन सक्छ,’ उनले भने, ‘एमसीसीले कस्तो अवस्था ल्याउँछ भन्ने त नेताहरूले पनि बुझेका होलान्।’