एजेन्सी- पोर्चुगिज क्रिस्टियानो रोनाल्डोका राष्ट्रिय टोली सहकर्मी विलियम कार्भाहालोले अमुल्य भएका बताएका छन् । रियल मड्रिडले रोनाल्डो यसै सिजन बेचेको बिषयलाई उजागर गर्दै विलियमले उनको मुल्य १ वा २ सय मिलियन मात्र नभई अमुल्य भएको बताएका हुन् ।
‘रोनाल्डोलाई रियलले १ सय वा २ सय मिलियनमा पनि बेच्नु पर्ने थिएन । किनकी उनको त्यो कुनै मूल्य हैन । उनी अमूल्य खेलाडी हुन् ।’ विलियम भने, ‘यो प्रष्टै छ कि, यतिबेला रोनाल्डोबिनाको रियलको हालत के छ ।
मेरो विचारमा उनीहरूले अझै कठिन दिनको सामना गर्नुपर्ने छ ।’ उनले थपे, ‘मलाई लाग्छ, रियलले रोनाल्डोजस्ता उत्कृष्ट खेलाडी र गोल मेसिन खेलाडी भित्र्याउन अरू थुप्रै वर्ष प्रतीक्षा गर्नुपर्छ ।’
अहिलेसम्म रियलले रोनाल्डाको विकल्प भेटेको छैन । विलियमले रियल मड्रिडले रोनाल्डोको अपमान गरेको समेत बताएका छन् । सन् २००९ मा रियलमा अनुबन्ध भएका रोनाल्डोलाई रियलले यसै सिजनको सुरुमा इटालीको क्लब युभेन्टसलाई १०० मिलियन पाउन्डमा बेचेको थियो । ९ वर्ष रियलमा रहँदा रोनाल्डोले ४ सय ३८ खेलबाट ४ सय ५० गोल गरेका थिए ।
प्रकाशित: Dec 31, 2017| 18:23 आइतबार, पुस १६, २०७४