प्रदेश २ : मन्त्रीले नै कुटे सचिव

जनकपुरधाम – प्रदेश २ का आर्थिक मामिला तथा योजना मन्त्री विजयकुमार यादवले सचिवमाथि हातपात गरेका छन्। मन्त्री यादवले उद्योग वन, पर्यटन तथा वातावरण मन्त्रालयका सचिव विद्यानाथ झामाथि हातपात गरेका हुन्। 

संघीय सरकारले सशर्त अनुदानअन्तर्गतको गरिबी निवारणका उद्यम कार्यक्रमका लागि आफ्नो एनजीओलाई छनौट नगरेको भन्दै मन्त्री यादवले आफ्नै कार्यकक्षमा बोलाएर कुटपिट गरेको सचिव झाले बताएका छन्। 

मन्त्री यादवले सचिवमाथि हातपात गर्दा सभामुख सरोज यादव पनि मन्त्रीकै कार्यकक्षमा रहेको बताइएको छ। कार्यक्रम सञ्चालनका लागि मन्त्रालयमा १ सय ९३ वटा गैरसरकारी संस्थाहरुले आशय पत्र दर्ता गराएकोमा ४० वटा संस्था छनोट भएका छन्। 

उता मन्त्री यादवले भने आफूले हातपात नगरेको दावी गरेका छन्।