१३ सय जनाको निःशुल्क उपचार

काठमाडौं - सिन्धुपाल्चोकको बाह्रबिसे प्राथमिक उपचार केन्द्रमा निःशुल्क स्वास्थ्य शिविर आयोजना गरिएको छ। सुनकोसी इन्द्रावती समाजको आयोजनामा भएको शिविरमा एक हजार जनाको आँखा परीक्षण गरिएको थियो। तीमध्ये १ सय सातजनाको मोतीबिन्दुको सफल शल्यक्रिया गरिएको छ।

यसैगरी दुई ८१ जनाको दाँतको परीक्षण र उपचार गरिएको समाजका उपाध्यक्ष भरतप्रसाद कोइरालाले बताए। आँखा परीक्षणमा बिपी कोइराला लायन्स नेत्र अध्ययन केन्द्रका डा. प्रताप कार्कीलगायतको टोली संलग्न थियो। दन्त परीक्षणमा सगरमाथा हेल्थ फाउन्डेसनले सहयोग गरेको थियो।

शिविरमा भोटेकोसी पावर कम्पनी, बाह्रबिसे नगरपालिका, नेपाल रेडक्रस सोसाइटी, शारदा मावि प्राथमिक उपचार केन्द्रले सहयोग गरेको थियो।