धनगढी- ढाल तरबार सहित नाचिने भुवा नाच बुधबार धनगढीमा प्रदर्शन गरिएको छ। प्रदर्शनीमा सुदूरपश्चिम प्रदेशका आन्तरिक मामिला तथा कानुन मन्त्री प्रकाशबहादुर शाहसहित बाजुरेलीहरुको सहभागिता थियो।
कौरव र पाण्डवको युद्धको सम्झनामा नाचिने यो पर्व प्रत्येक वर्षको पुस औंसीका दिन मसाल (राँको) सल्काएर सुरु गरिन्छ। परापूर्व कालका राजाका पालामा राजाका सैनिकले तालिम स्वरुप खेल्ने तथा युद्ध मैदानमा दुस्मनसँग कसरी लड्ने र विजयी हासिल गर्ने भन्ने कला त्यस नाचमा देखाइने गरिन्छ।
एक हातमा नांगो तरबार र अर्को हातमा ढाल बोकी खेलाडीहरुले पुरानो राजाको पालाको पोशाक पहिरिई पंक्तिबद्ध तरिकाले भुवाँ नाच खेलिन्छ।
प्रकाशित: Dec 31, 2017| 18:23 आइतबार, पुस १६, २०७४