धनगढी- तेस्रो संस्करणको अन्तर्राष्ट्रिय नेपाल आइस खप्तड गोल्डकप अन्तर्गत मंगलबारको खेलमा विभागीय टोली नेपाल पुलिस क्लब र मोरङ-११ बीच प्रतिस्पर्धा हुने भएको छ ।
खेल धनगढी रंगशालामा दिउँसो २:३० बजे सुरु हुने छ । पुलिस क्लब भर्खरै सम्मन सहिद स्मारक ‘ए’ डिभिजन लिगको छैटौं स्थानमा रहेको थियो ।
घरेलु टोली सुदुरपश्चिम ११ उद्घाटन खेलमा बाहिरिएपछि आज दोस्रो दिनको दोस्रो खेल हुन लागेको हो । मंगलबार भएको उद्घाटन खेलमा आयोजक टोली सुदुरपश्चिम-११ मेची नेत्रायल ट्रेनिङ सेन्टर काकरभिट्टासँग ट्राइबेकरमा ७-६ ले पराजित भएको थियो ।
मोफसलकै सवार्धिक धनराशीको प्रतियोगिता खप्तड गोल्डकपको विजेताले २१ लाख र उपविजेताले १० लाख रुपैयाँ हात पार्नेछन् ।
प्रकाशित: Dec 31, 2017| 18:23 आइतबार, पुस १६, २०७४