काठमाडौँ- ललितपुर महानगरपालिका–४ बागडोलस्थित फर्निचर पसलमा आगलागी भएको छ ।
भारतीय नागरिक विनय गौतमले सञ्चालन गरेको अच्युत पराजुलीको नाममा रहेको सोफा डेकर प्रालिमा शनिबार बेलुका आगलागी हुँदा करीब रु ४० लाख बराबरको क्षति भएको प्रहरीले जनाएको छ ।
सानेपा प्रहरी प्रभागका प्रहरी निरीक्षक हिक्मत थापाका अनुसार आगलागी विद्युत सर्ट भएर लागेको हो । आगो नियन्त्रणमा लिन ३ वटा दमकल परिचलान गरिएको थियो । आगलागीबाट पसलमा भएका सबै फर्निचर जलेको उनले जानकारी दिए ।
प्रकाशित: Dec 31, 2017| 18:23 आइतबार, पुस १६, २०७४