काठमाडौं- नेपाली राष्ट्रिय टोलीका कप्तान पारस खड्का नेपाली लेगब्रेक स्पिनर सन्दीप लामिछाने सम्मिलित मेलबर्न स्टार्सको मैदानमा पुगेका छन् ।
कप्तान खड्का अष्ट्रेलियाको बिग बास लिगमा मेलबर्न स्टार्सबाट खेलिरहेका सन्दीपलाई समर्थन गर्न मेलबर्न स्टार्सको मैदानमा पुगेका हुन् ।
एक्सपर्ट एजुकेशनको क्रिकेट महोत्सवका लागि अष्ट्रेलिया पुगेका कप्तान पारस सन्दीपलाई समर्थन गर्ने सोमबार मेलबर्न क्रिकेट मैदान पुगेका थिए । मेलबर्न स्टार्सको निमन्त्रणामा अभ्यास स्थल पुगेका कप्तान पारसले सन्दीपसँग अभ्यास समेत गरेका थिए ।
यस्तै कप्तान पारसलाई मेलबर्नले मंगलबार हुने खेल हेर्न निमन्त्रणा समेत गरेका छन् । मेलबर्नले मंगलबार डर्बी क्लब मेलबर्न रेनागेड्ससँग खेल्दैछ ।
सन्दीपको टिम मेलबर्नले कप्तान पारसलाई आफ्नो प्लेयर बक्समै बसेर मंगलबार हुने खेल हेर्ने निम्तो दिएको एक्पर्ट्स एजुकेशनले जनाएको छ ।
एक्स्पर्ट क्रिकेट महोत्सव मेलबर्नमा सोमबार सम्पन्न भएको थियो ।
प्रकाशित: Dec 31, 2017| 18:23 आइतबार, पुस १६, २०७४