काठमाडौं- प्रहरीलाई घुस खुवाउन खोज्ने गोरु तस्कर पक्राउ परेका छन् । बाँकेबाट झापा हुँदै भारततिर गोरु तस्करी गर्ने दुई जनालाई बाँके प्रहरीले पक्राउ गरेको छ । उनीहरुले तस्करीका लागि ल्याएका गोरुलाई छुटाउन माग गर्दै प्रहरीलाई घुस दिन खोज्दा पक्राउ परेका हुन् ।
इलाका प्रहरी कार्यालय कोलपुरका प्रमुख डीएसपी रमेशबहादुर सिंहलाई घुस दिन खोज्ने हेटौंडा–४ का अब्दुल देवान र कोहलपुर–१२ का नवराज थापा पक्राउ परेका हुन्। प्रहरीले तस्करीका गोरु बाहिर लान नदिएपछि उनीहरुले डीएसपी सिंहको कार्यकक्षमै पुगेर घूस दिन खोजेका थिए ।
प्रहरीका अनुसार तस्करहरुले बाँकेका प्रहरी प्रमुख एसपी अरुण पौडेललाई घूस रकम दिइसकेको प्रारम्भिक बयान दिइसकेका छन् । यस सम्बन्धमा प्रदेश प्रहरी कार्यालयले तुलसीपुरले पनि अनुसन्धान थालेको छ ।
प्रकाशित: Dec 31, 2017| 18:23 आइतबार, पुस १६, २०७४