एजेन्सी- हाल अष्ट्रेलियन लिग बिग ब्यास खेली रहेका नेपाली राष्ट्रिय टोलीका लेगब्रेक स्पिनर सन्दीप लामिछानेले सिड्नीमा सनसनी मच्चाएका छन् । उनले लिगमा तीन खेल खेल्दा ७ विकेट लिँदै सर्वाधिक विकेट लिनेको शिर्ष स्थानमा छन् ।
उनकै उच्च प्रदर्शनका कारण उनी सम्मेलित मेलवर्न स्टार्सले बिग ब्यास लिगमा सिड्नी सिक्सर्सलाई पराजित गर्दै पहिलो जित निकालेको छ । बिहिबार भएको खेलमा मेलवर्नले सिड्नीलाई ५ विकेटले पराजित गर्दै लिगमा पहिलो जित निकालेको हो ।
निकै नै कसिलो बलिङ गरिरहेका सन्दीपले लिगका अन्य टोलीका ब्याट्सम्यानको ब्याटिङ्लाई धरमराई रहेका छन् । तेस्रो खेलमा सन्दीपले ४ ओभरमा २ विकेट लिँदै १८ रन खर्चिएका थिए ।
पहिलो डेब्यू खेलमा सिड्नी थन्डरविरुद्ध २ विकेट लिएका सन्दीपले दोस्रो खेलमा होबार्ट हरिकेन्सविरुद्ध ३ विकेट लिँदै आफ्नो नाममा तीन खेलमा सर्वाधिक ७ विकेट लेखाएका हुन् । बिग ब्यासमा सन्दीपको प्रर्दशन देखेर दिल्ली खुसि भएको छ ।
दिल्लीले सन्दीपको हरेक क्रियाकलापलाई कुनै न कुनै माध्यमबाट सामाजिक सञ्जालमा बेला बेलामा पोष्ट गरिरहेको पाइन्छ । हुन त दिल्लीको सामाजिक सञ्जालको पेजमा नेपाली फ्यानको बाहुल्यता धेरै रहेको छ । दिल्लीको अन्य खेलाडीको पोष्टको तुलनामा सन्दीपको पोष्टमा धेरै लोकप्रिय पाइन्छ ।
ग्तबर्ष देखि सन्दीप आईपीएलमा दिल्ली क्यापिटल्सबाट खेल्ने गर्दछन् । सन्दीपको पारीश्रमिक कति भनेर नुखाईएपनि गत वर्षको भन्दा केहि राम्रो पाउने अनुमान गरिएको छ । गत वर्ष दिल्लीले सन्दीपलाई २० लाख भारुमा किनेको थियो भने यस वर्ष रिटेन गरेको थियो ।
प्रकाशित: Dec 31, 2017| 18:23 आइतबार, पुस १६, २०७४