काठमाडौं- नेपाली राष्ट्रिय टोलीका लेगब्रेक स्पिनर सन्दीप लामिछाने यतिबेला अष्ट्रेलियन टी-२० क्रिकेट लिग बिग ब्यास खेलि रहेका छन् । मेलबर्न स्टार्सबाट लिग खेली रहेका सन्दीपले यतिबेला बिग ब्यासमा चमत्कार देखाई रहेका छन् ।
लिगका तीन खेल खेलेका लेग स्पिनर सन्दीपले ७ विकेट लिएका छन् । उनले उक्त लिगमा आफ्नो पहिलो ओभरमा नै विकेट लिँदै सनसनि मच्चाई रहेका छन् । तेस्रो खेलमा सिड्नी सिक्सर्सविरुद्ध खेल्दै दुई विकेट लिए ।
दुबै विकेट एलबिडब्लुमा आउट गर्दै लिएका हु्न । आफ्नो पहिलो ओभरमा सिड्नी सिक्सर्सका कप्तान मोइसेस हेनरिकलाई पेभिलिएन फर्काएका थिए । हेनरिक १५ बलमा ९ जोड्दा सन्दीपको बलमा आउट भए ।
त्यसपछि उनले टोम कुरानलाई २ रनमा पेभिलिएनको बाटो देखाएका थिए । यस खेलमा उनले ४ ओभर गर्दै १८ रन खर्चेर २ विकेट लिएका हुन् । यो दुई विकेटसँगै सन्दीप विग ब्यासमा ३ खेलमा ७ विकेट लिदै सर्वाधिक विकेट लिने खेलाडीको सूचिमा शिर्ष स्थानमा उक्लिएका छन् ।
यसअघिको आफ्नो दोस्रो खेलमा तीन विकेट लिएका थिए । सन्दीपले दोस्रो खेलमा होबार्ट हरिकेन्सविरुद्ध ४ ओभरमा २४ रन खर्चेर ३ विकेट लिएका हुन् । त्यस्तै आफ्नो डेब्यु खेलमा २ विकेट लिएका थिए ।
डेब्यु खेलमा सन्दीपले ४ ओभर बलिङ गर्दै ३६ रन खर्चेर २ विकेट थिए । जारी लिगमा सन्दीपको तीन खलबाट ७ विकेट पुगेको छ ।
प्रकाशित: Dec 31, 2017| 18:23 आइतबार, पुस १६, २०७४