काठमाडौं- एभरेष्ट प्रिमियर लिग (इपीएल) टी-२० क्रिकेट अन्तर्गत बुधबारको इलिमिनेटर खेलमा चितवन टाइगर्सलाई परासजत गर्दै भैरहवा ग्लाडियटर्स क्वालिफायरमा प्रवेश गरेको छ । भैरहवाले चितवनलाई ४ विकेटले पराजित गर्दै क्वालिफायरमा प्रवेश गरेको हो ।
त्रिवि क्रिकेट मैदानमा चितवनले दिएको १ सय ४० रनको लक्ष्य पछ्याएको भैरहवाले १८.२ ओरमा मात्र ६ विकेट गुमाउदै उक्त लक्ष्य भेट्टाएको हो । भैरहवाको जितका लागि प्रदिप ऐरीले सर्वाधिक ४२ रन जोडे ।
उनले ३८ बलमा ६ चौका प्रहार गर्दै ४२ रन जोडेका थिए । त्यस्तै कप्तान शरद भेसवाकरले २९ रन जोडे उनले २७ बलमा ३ चौकाको मद्दतले २९ रन जोडेका थिए । कुसाल मल्लले २७ र रोहित कुमार पौडेलले २४ रन जोड्दै भैरहवालाई जित दिलाएका हुन् ।
चितवनका लागि कृष्ण सिंह ऐरीले तीन विकेट लिए पनि टोलीलाई जित दिलाउन भने सकेनन् । ललित सिंह भण्डारी र जोर्न स्कटले समान एक एक विकेट लिए । यसअघि टस हारेर पहिला ब्याटिङको निम्तो पाएको चितवनले निर्धारित २० ओभरमा ८ विकेट गुमाउदै १ सय ३९ रन जोडेको थियो ।
चितवनका लागि दिपेन्द्र सिंह ऐरीले अर्धसतकिय पारी खेले पछि चितवनले मध्यम रनको लक्ष्य सम्पेका हो । ऐरीले ४५ बल खेल्दै ५६ रनको अर्धसतकिय पारी खेलेका हुन् । उनले ४५ बलमा ६ चौका र एक छक्का प्रहार गरे ।
तर, अन्य ब्याट्सम्यानले भने राम्रो खेल्लन सकेनन् । पउल स्ट्रलिङ, जोन सिम्पसनले समान १४-१४ रन जोड्दा कमल सिंह ऐरीले १३ रन जोडेका थिए । अन्य ब्याट्सम्यानले भने दोहोरो अंकको रन छुन सकेनन् ।
यता भैरहवाका लागि मोहमद नाभीले ३ विकेट लिए । उनले ४ ओभरमा २४ रन खर्चदै तीजन विकेट लिएका हुन् । त्यस्तै अभिनास बोहराले दुई विकेट लिँदा भुवन कार्की, कृष्ण कार्की र रायन टेन डोशेटले समान एक-एक विकेट लिए । भैरहवाले बिहिबार क्यालिफायर काठमाडौं किङ्गसँग खेल्ने छ ।
प्रकाशित: Dec 31, 2017| 18:23 आइतबार, पुस १६, २०७४