काठमाडौं- नेपाली कांग्रेसका सभापति शेरबहादुर देउवाले राजीनामा दिएका केन्द्रीय सदस्यहरूको माग सम्बोधन हुने तर राजीनामा भने स्वीकृत हुने बताएका छन्। बिहीबारदेखि आफ्नै निवास बूढानीलकण्ठमा जारी केन्द्रीय समिति बैठकका क्रममा सभापति देउवाले यस्तो बताएका हुन्।
शुक्रबार केन्द्रीय कार्यसमितिको बैठक चल्दाचल्दै राजीनामा बुझाएका बाइसै जना आमन्त्रित केन्द्रीय सदस्यहरूले राजीनामा दिएका थिए। यसपछि बैठकस्थलको माहोल तातेको थियो।
'हिजो राजीनामा बुझाउने आमन्त्रित केसहरूलाई शनिबार बोलाएको थिएँ। राजीनामा फिर्ता लिन भनेको छु। उनीहरुमा माग सम्बोधन हुन्छन्। तर राजीनामा भने स्वीकृत गर्दिनँ।'
आमन्त्रित केन्द्रीय सदस्यहरूसँगको भेटमा आफू माग सम्बोधन गर्न सकारात्मक भएको तर रामचन्द्र पौडेलले नमानेको उनले बताएका थिए। 'रामचन्द्रले मानेनन्, म लड्छु,' आफूले भनेको कुरा दोहोर्याउँदै उनले भने, 'माग सम्बोधन हुन्छ भनेको छु। राजीनामा स्वीकृत हुँदैन। गर्दिनँ।'
शुक्रबार राजीनामा दिएका आमन्त्रित केन्द्रीय सदस्यहरू भने बैठकमा सहभागी भएका छैनन्।