एजेन्सी- शनिबार राति भएको ला लिगा खेलमा रियल मड्रिडले रायो भालेकानोलाई १-० को झिनो अन्तरले पराजित गरेको छ । जितसँगै रियल अंक तालिकाको तेस्रोस्थानमा उक्लिएको छ ।
रियलले खेलको पहिलो हाफमा नै भालेकानोमाथि सुरुवाती अग्रता लिएको थियो । पहिलो हाफको १३ औं मिनेटमा करिम बेन्जेमाले गोल गर्दै सुरुवाती अग्रता दिलाएका हुन् । उनले लुकास भास्क्वेजको पासलाई सहि सदुपयोग गर्दै गोल गरेका हुन् ।
दोस्रो हाफमा दुबै टोलीबाट केहि गोल गर्ने अवसरहरु सृजना भएपनि सदुपयोग गर्न नसक्दा खेलमा थप गोल हुन सकेनन् । र खेल रियलले १-० ले जितेको हो ।
यस जितसँगै रियलले शीर्षस्थानको बार्सिलोना र एट्लेटिको मड्रिडसँगको अंक दुरी २ मा झारेको छ । शीर्ष दुईमा रहेको बार्सिलोना र एट्लेटिकोको ३१ अंक छ ।
शनिबार राति नै भएको अर्को खेलमा एट्लेटिको मड्रिडले रियल भालाडोलिडमाथि ३-२ को संघर्षपूर्ण जित निकालेको छ । एट्लेटिकोको जितमा एन्टोइन ग्रिजमनले २ तथा निकोला कालिनिक एक गोल गरेका थिए ।
प्रकाशित: Dec 31, 2017| 18:23 आइतबार, पुस १६, २०७४