माओवादी केन्द्रीय कमिटी बैठक आइतबार बिहान पुन: बस्ने

काठमाडौं- नेकपा माओवादी केन्द्रको केन्द्रीय समिति बैठक आइतबार बिहान पुन: बस्ने भएको छ। दुई दिनसम्म चल्ने बैठकले पार्टीको राजनीतिक कार्यदिशा तय गर्ने बताइएको छ।

शनिबारको केन्द्रीय कमिटी बैठकमा राष्ट्रिय महाधिवेशन आगामी पौष ११, १२ र १३ गते गर्ने प्रस्ताव पेस भएको छ। नेकपा माओवादी केन्द्रका अध्यक्ष पुष्प कमल दाहालले राजनीतिक र सांगठनिक प्रतिवेदन पेस गरेसँगै बैठक भोली बिहान ११ बजे बस्ने गरि पुन: बोलाइएको छ।

आजको केन्द्रीय कमिटी बैठकमा पेश भएको प्रतिवेदनमाथि केन्द्रीय सदस्यहरू समूहगत छलफलमा जुटेका छन्। आठ समूहमा रहेका केन्द्रीय सदस्यले प्रतिवेदनमा छलफल गरेर आइतबार राय सुझाव पेश गर्ने छन्।