काठमाडौं- पल्सर सहिद स्मारक ‘ए’ डिभिजन लिग अन्तर्गत सोमबार विभागिय टोली त्रिभुवन आर्मी क्लबले ब्रिगेड ब्वाइजको सामना गर्दै छ भने दोस्रो खेलमा शीर्ष स्थानको मनाङ मर्स्याङदीविरुद्ध मछिन्द्र भिड्दै छ ।
दुबै खेल सातदोबाटोस्थित एन्फ कम्प्लेक्सको मैदानमा हुनेछ । त्रिभुवन आर्मी र ब्रिगेड ब्वाइजबीचको खेल बिहान ११ बजेबाट सुरु हुने छ भने मनाङ र मछिन्द्रबीचको दोस्रो खेल दिउँसो २:३० बजेबाट सुरु हुनेछ ।
आर्मीले यस सिजन लिगमा अहिले सम्म ४ खेलमा जित र २ बराबरी खेलेको छ । यता ब्रिगेड ब्वाइजले भने १ खेलमा जित र १ बराबरी र ४ खेलमा पराजित हुँदै ४ अंक जोडेको छ । ११ औं स्थानमा रहेको ब्रिगेड ब्वाइज आजको खेलमा पराजित भए एक स्थान तल झर्नेछ ।
दोस्रो खेलमा मनाङले जितविहिन र गोलविहिन रहेको मछिन्द्रको सामना गर्दैछ । जारी लिगमा मछिन्द्र गोल गर्न नसक्ने एकमात्र टोली हो । मछिन्द्रले ६ खेलमा ३ बराबर र ३ हारसहित ३ अंक जोडिको छ ।
प्रकाशित: Dec 31, 2017| 18:23 आइतबार, पुस १६, २०७४