राजधानीको पाशुपत क्षेत्रमा हिजो साँझ श्रद्धालुहरूले आफ्ना पितृको सम्झनामा महादीप बालेका छन् । रातभर जाग्राम बसेका भक्तजनले खैंजेडी बजाएर भजन गाएका थिए, कतिपय भने गीत संगीतमा रमाए ।
जात्रा अवधिभर व्यापारीहरूलाई खानेकुरा बिक्री गर्न भ्याइनभ्याइ थियो । आज बिहानै चतुर्थी सकेर पशुपति क्षेत्रका मृगस्थली, वनकाली, कैलाश, सूर्यघाट, गौरीघाट, आर्यघाट, किराँतेश्वर मन्दिर, विश्वरूप, राममन्दिर आदि क्षेत्रमा शतबीज छरेर बालाचतुर्दशी पर्व मनाइएको छ ।
केही श्रद्धालुले विश्वरूप क्षेत्रमा पितृले पाऊन् भनेर इँटाले घर बनाएका थिए । बिहानैदेखि पशुपति क्षेत्रमा भक्तजनको भीड लागेका कारण त्यस क्षेत्रको ट्राफिक व्यवस्थापनमा केही समस्या भएको थियो ।
प्रकाशित: Dec 31, 2017| 18:23 आइतबार, पुस १६, २०७४
उनीहरूको अनुहारमा बेसहाराको सहारा बन्दै उनीहरूको भोक, प्यास, नाना, माना र छानाको चिन्ता हुन्छ। बिहान उठेदेखि अबेर रातिसम्म उनीहरू तिनैको सहारा बन्ने कर्ममा कर्मशील भइरहेका...