काठमाडौं- तेस्रो संस्करणको एभरेष्ट प्रिमियर (इपिएल) टी-२० लिगका लागि आयोजकले लण्डनबाट चियर लिडर्स ल्याईएको छ । मंसिर २२ गतेबाट सुरु हुने इपिएल टी-२० लिगका लागि बुधबार किंगफिसरले पत्रकार सम्मेलन गर्दै चियर लिडर्सलाई सार्वजनीक गरिएको हो ।
इपिएलकाका लागि लण्डनबाट ६ जना चियर लिडर ल्याएको छ । ६ जना मध्यबाट चियर लिडर्सलाई तीन तीन जनाको दुई सहमूह गरि होम एण्ड अवे टिमका लागि रहने छन् ।
घरेलु क्रिकेटको सर्वाधिक सफल प्रतियोगिता ईपीएलमा ६ चियर लिडर्सले खेलाडी र आम दर्शकलाई मनोरञ्जन दिनेछन् । प्रत्येक टिमका लागि तीन जना चियर्स लिडर्स रहनेछन् ।
मैदानमा रहने टिमले लिने रन र विकेटमा चियर्स लिडर्सले रोमाञ्चकता थप्नेछन् । नेपालमा पहिलो पटक विदेशी चियर लिडर्सलाई प्रतियोगितामा सहभागिता गराएको हो ।
यी ६ लिडर्सले गत वर्ष आईपीएलको फेन्चाइज टोली साविक दिल्ली डियर डेभिल्स हाल दिल्ली क्यापिटल्स र केहि दिन अघि वेस्ट इन्डिजमा सम्पन्न महिला विश्वकपको उद्धघाटन खेलमा पनि मनोरञ्जन दिई सकेको ईपीएलका एमडी आमिर अख्तरले जानकारी दिए ।
यसले प्रतियोगिताको स्तर उकास्न समेत उल्लेख्य योगदान पुग्ने विश्वास किंगफिसरको छ । दर्शकलाई क्रिकेटसँगै मनोरञ्जन पनि दिने उद्देश्य आयोजकको हो । एभरेष्ट प्रिमियर लिगको यो संस्करणको पहिलो खेलमा विराटनगर वारियर्स र ललितपुर प्याट्रियोट्सवीच खेल हुनेछ ।
प्रकाशित: Dec 31, 2017| 18:23 आइतबार, पुस १६, २०७४