मिस वर्ल्डको मल्टिमिडिया अवार्ड जित्दै अन्तिम ३० मा श्रृंखला

काठमाडौं- मिस नेपाल श्रृंखला खतिवडाले मिस वर्ल्ड अर्न्तगतको मल्टिमिडिया अवार्ड जितेकी छन्। चिनमा जारी मिस वर्ल्डको मल्टिमिडिया अवार्ड जित्दै अन्तिम ३० मा स्थान सुरक्षित बनाएकी हुन्। 

सोमबार सार्वजनिक भएको नतिजामा श्रृंखलाले १ सय १९ देशका प्रतिस्पर्धीहरुलाई उछिन्दै महत्वपूर्ण खुड्‍कीलो पार गरेकी हुन्। नेपाली प्रतियोगीले अवार्ड जितेको पहिलो पटक हो। 

विभिन्न मल्टिमिडिया प्लेटर्फममा भएको फ्यान फलोइङ र भोटिङलाई हेरेर श्रृंखलालाई विजेता घोषित गरिएको मिस वर्ल्डको आधिकारिक इन्‍स्टाग्राममा जनाइएको छ। मेक्सिको र केन्याका सुन्दरी दोस्रो र तेस्रो स्थानमा छन्।