बारा- जिल्ला प्रहरी बाराले हत्या अभियोगमा एक जोगीलाई पक्राउ गरेको छ। हत्या अभियोगमा फरार रहेका भारत चमोई गणवाल देहरादुन घर भएका त्रिलोकीनाथ खप्परवाला नाम गरेका बाबालाई प्रहरीले पक्राउ गरेको हो।
त्रिलोकीनाथले जितपुसिमरा उपमहानगरपालिका–७ स्थित लालका पुल मुनी नामथर नखुलेको अन्दाजी २०-२२ वर्ष उमेर रहेको एक युवाको हत्या गरी फरार भएको प्रहरीको अनुसन्धानबाट खुलेको छ।
त्रिलोकीनाथले आफूसँग रहेको त्रिशुलले युवकको हत्या गरेको प्रहरीको दाबी छ। युवकको लालका पुल नजिकै रहेको भुक्तेश्वरनाथ मन्दिर नजिक ८ मंसिर राती करिब १ बजे हत्या भएको थियो।
पक्राउ परेका त्रिलोकीनाथविरुद्ध कर्तव्य ज्यान मुद्दा दर्ता गरी सात दिनको म्याद थप गरी आवश्यक अनुसन्धान भइरहेको बारा प्रहरीले जनाएको छ।
प्रकाशित: Dec 31, 2017| 18:23 आइतबार, पुस १६, २०७४