एजेन्सी- यसै सिजन रियल मड्रिडबाट युभेन्टस पुगेका पोर्चुगिज सुपरस्टार क्रिस्टियानो रोनाल्डोले युभेन्टसमा एकसाथ दुई रेकर्ड बनाएका छन् । उनले युभेन्टसको इतिहासमै डेब्यु सिजनमा १० गोल गर्ने पहिलो खेलाडीको रेकर्ड बनाएका छन् ।
यसअघि कुनै पनि खेलाडीले डेब्यु (पहिलो) सिजनमा १० गोल गर्न सकेका थिएनन् । त्यस्तै अर्को रेकर्ड रोनाल्डो सन् २०१८ मा ३९ गोलमा सहभागी भएका छन् । उनले ३१ गोल गरेका छन् भने ८ गोलका लागि असिस्ट गरेका छन् ।
यससँगै रोनाल्डोले बार्सिलोनाका लिओनल मेस्सी र लुइस स्वारेजले युरोपका शीर्ष पाँच लिगका बनाएको सो रेकर्डसँग रोनाल्डोले पनि बराबरी गरेका छन् । यो लिग फुटबलको मात्रै तथ्यांक हो ।
उनले सिरी ‘ए’मा युभेन्टसका लागि ९ गोल गरेका छन् भने एक गोल च्याम्पियन्स लिगमा गरेका छन् । उनले ६ गोलका लागि खसिस्ट समेत मिलाएका छन् ।
इटाली गएपछि अफिसियल खेलमा १० गरेका ३३ वर्षीय रोनाल्डो अब युभेन्टसको इतिहासमै डेब्यु सिजनमा १० गोल गर्ने पहिलो खेलाडी बनेका छन् । शनिबार राति युभेन्टसले एसपिएललाई २-० ले हराउने क्रममा १ आकर्षक गोल गरेका रोनाल्डोले दोस्रो गोलमा पनि भूमिका खेलेका थिए ।
इटाली पुगेयता सुरुआती ३ खेलमा गोलविहीन बनेका रोनाल्डोले त्यसयता लगातार गोल र असिस्ट गदै आइरहेका छन् ।
प्रकाशित: Dec 31, 2017| 18:23 आइतबार, पुस १६, २०७४