एजेन्सी- इंग्लिस प्रिमियर लिग अन्तर्गत शनिबार भएको खेलमा लिभरपुलले वाट्फोर्डलाई पराजित गरेको छ । १० खेलाडीमा समेटिएको लिभरपुलले वाट्फोर्डलाई ३-० गोलको फराकिलो अन्तरले पराजित गरेको हो ।
यस जितसँगै लिभरपुलले प्रिमियर लिगमा अपराजित यात्रा कायम राखेको छ । लिभरपुलको जितमा मोहम्मद सलाह, ट्रेन्ट एलेक्जन्डर आर्नाल्ड र रोबर्टा फिर्मिनोले गोल गरेका थिए ।
वाट्फोर्डको खेल मैदानमा प्रतिस्पर्धात्मक बनेको खेलमा लिभरपुलले सबै तीन गोल दोस्रो हाफमा गरेको थियो । ६७ औं मिनेटमा मोहम्मद सलाहले साडियो मानेको पासमा गोल गरेपछि लिभरपुलले खेलमा १-० को अग्रता बनायो ।
७६ औं मिनेटमा ट्रेन्टले गोल गरेपछि लिभरपुलको अग्रता दोब्बर बन्यो । ८२ औं मिनेटमा लिभरपुल १० खेलाडीमा समेटिएको थियो । लिभरपुलका जोर्डन हेन्डरसन दोहोरो पहेलो कार्ड खाँदै मैदानबाट बाहिरिएको थिए ।
१० खेलाडीमा समेटिएपनि लिभरपुलले अर्का एक गोल गर्न सफल भयो । ८९औं मिनेटमा रोबर्टा फिर्मिनोले गोल गर्दै लिभरपुललाई फराकिलो जित दिलाए । जितपछि लिभरपुलले शीर्ष स्थानको म्यानचेस्टर सिटीसँगको अग्रता २ अंकमा घटेको छ । अपराजित रहेको लिभरपुलको १३ खेलबाट ३३ अंक छ । वाट्फोर्ड २० अंक जोडेर नवौ स्थानमा छ ।
प्रिमियर लिगका अन्य खेलका नतिजा
ब्राइटन विरुद्ध लेस्टर सिटी (१-१)
एभर्टन विरुद्ध कार्डिफ सिटी (१-०)
फुलहम विरुद्ध साउथह्याम्टन (३-२)
म्यानचेस्टर युनाइटेड विरुद्ध क्रिस्टल प्यालेस (०-०)
म्यानचेस्टर सिटी विरुद्ध वेस्टह्याम युनाइटेड (४-०)
प्रकाशित: Dec 31, 2017| 18:23 आइतबार, पुस १६, २०७४