काठमाडौं–नेपाली कांग्रेसको भ्रातृ संगठन नेपाल विद्यार्थी संघका महामन्त्री कुन्दन काफ्लेलाई हर्टअट्याक भएको छ । उनको अहिले सहिद गंगालाल हृदयकेन्द्र बाँसबारीमा उपचार भइरहेको छ ।
बिहान ६ बजे अचानक स्वास्थ्यमा समस्या देखिएपछि काफ्लेलाई बुद्धनगरस्थित हेम्स अस्पताल पुर्याइएको थियो । हेम्समा उपचार सम्भव नभएपछि उनलाई गंगाला पुर्याइएको नेवि संघका केन्द्रीय सदस्य सुशील भट्टले नेपाल समयलाई जानकारी दिए ।
उनको अहिले शल्यक्रिया गरिएको कांग्रेस केन्द्रीय सदस्य प्रदीप पौडेलले जानकारी दिए । उनको स्वास्थ्य अवस्था अहिले सुधारउन्मुख छ ।
३५ वर्षका काफ्ले नेविसंघको पछिल्लो बढ्दो विवादका कारण तनावमा थिए । नेविसंघको महाधिवेशन तथा वर्तमान समितिको समयसीमा लगायतका विषयमा असन्तुष्टि जनाउँदै आएका उनले आफ्नो संगठनको विधान माग्दा पनि पार्टीले नदिएको गुनासो गर्दै आएका छन्।
प्रकाशित: Dec 31, 2017| 18:23 आइतबार, पुस १६, २०७४