एजेन्सी- सन् २०१८ को प्रतिष्ठित अवार्ड बालोन डि’ओर डिसेम्बर ३ तारिखमा घोषणा हुँदैछ । यसपटक रियल मड्रिड तथा क्रोएसियाका लुका मोड्रिकलाई प्रमुख दाबेदार मानिएको छ ।
दशक देखि कब्जा गर्दै आएका इटालियन युभेन्टस तथा पोर्चुगलका क्रिस्टियानो रोनाल्डो र बार्सिलोना तथा अर्जेनिटनाका लियोनल मेस्सी फ्रान्स तथा इटालीका चर्चित खेल मिडियाले यसपटक बालोन डि‘ओरको टप-३ मा नरहेको दाबि गरेका छन् । यस पटकको बालोन डि’ओरमा नयाँ अनुहार रहेको उनीहरुको दाबी छ ।
‘टुटो स्पोर्टस’ले गोप्य स्रोतलाई उद्धृत गर्दै यसपटक टप-३ मा रोनाल्डो र मेस्सी नपरेको दाबी गरेको छ । रिपोर्टअनुसार यसपटक बालोन डि‘ओरको टप-३ मा रियलका लुका मोड्रिक, फ्रान्स तथा रियलकै राफाएल भाराने र फ्रान्स तथा पिएसजीका युवा खेलाडी केलियन एमबाप्पे परेको दाबी गरेका छन् ।
यसपटक बालोन डि‘ओरमा विगत १० वर्षदेखि रहँदै आएको रोनाल्डो र मेस्सीको एकछत्र राज तोड्दै नयाँ अनुहारले यो अवार्ड जित्ने दाबी गरिँदै आएको छ । सन् २००७ मा ब्राजिलका काकाले यो अवार्ड जितेयता सन् २००८ बाट १० वर्षको बीचमा रोनाल्डो र मेस्सीले यो अवार्ड समान ५-५ पटक जितेका जितेका थिए ।
प्रकाशित: Dec 31, 2017| 18:23 आइतबार, पुस १६, २०७४