खुर्सिद हत्याको २ महिनापछि सुनसरीमा अर्का मुस्लिम व्यवसायीको हत्या

इटहरी- दक्षिणी सुसनरीको भुटाहा बजारमा मुस्लिम अगुवा खुर्सिद अन्सारीलाइ गोली हानी हत्या भएको २ महिनपछि सुनसरीका अर्का मुस्लिम व्यवशायीको हत्या भएको छ ।  दुहबी नगरापालीका ९ छाताबेलीमा रहेको जयबाबा इट्टा उद्योगका म्यानेजर फिदा हुसेनको हत्या भएको हो । 

बुधबार बिहान ६ बजे मर्निङ वाकका क्रममा रहेका हुसेनलाई मोटरसाइकलमा आएका दुई बन्धुकधारीले गोली हानेको प्रहरीको भनाइ छ । गोली लागेका ५४ बर्षिय हुसेनलाइ उपचारको लागी विराटनगरतर्फ लाँदै गर्दा मृत्यु भएको प्रहरीले बताएको छ । हुसेन दुहवी नगरपालिका वडा नम्बर ९ का अध्यक्ष मेहेदी हुसेनका भाइ हुन । 

जयबाबा इट्टा अगाडिको नहरको पुलमा अपराधिक मान्छेले गोली हानेको पीडितको घरमा पुगेका सुनसरी क्षेत्र नम्बर ३ (क)का प्रदेश सांसद लिलम बस्नेतले बताए । 

घटनास्थलमा तीनवटा गोलीको खोका भेटिएको र हत्या गर्ने अपराधिक समुह भएको इलाका प्रहरी कार्यालय दुहबीका प्रहरी निरिक्षक रामनारायण माझीले मिडियालाई बताएका छन ।