राजापा संयोजक फेरिए, नयाँ नेतृत्वमा राजेन्द्र महतो

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

काठमाडौं- राष्ट्रिय जनता पार्टी (राजपा) नेपालको अध्यक्ष मण्डलको संयोजक फेरिएका छन्। पार्टी स्थापना भएको करिब एक वर्ष सात महिनासम्म पार्टी अध्यक्ष मण्डलको संयोजक रहेका महन्थ ठाकुरलार्इ विदार्इ गर्दै नयाँ नेतृत्व चयन गरेको छ।

पार्टीको अध्यक्ष मण्डलको मंगलबार बसेको बैठकले संयोजकमा राजेन्द्र महतोलार्इ बुधबारदेखि लागु हुने गरी जिम्मेवारी दिने निर्णय गरेको हो। ठाकुरलार्इ संयोजकबाट विदाइ गरी महतोलार्इ नेतृत्व सुम्पनुपर्ने पक्षमा अध्यक्ष मण्डलका चार जना देखिएका थिए। अध्यक्ष मण्डलका सदस्य महेन्द्र राय यादवले राजेन्द्र महतोद्वारा प्रस्ताव गरिएको संयोजक परिवर्तन गर्ने प्रस्तावप्रति असहमति जनाएका थिए।

छ मधेस केन्द्रित पार्टी एकिकरण हुँदा ७ वैशाख २०७४ मा चक्रिय प्रणालीको आधारमा नेतृत्व परिवर्तन गरिने निर्णय भएको थियो। उक्त निर्णय अनुसार हरेक दुर्इ महिनामा नेतृत्व परिवर्तन हुनुपर्थ्यो। तर, हालसम्म ठाकुरले नै नेतृत्व सम्हाल्दै आएका थिए।

निर्वाचन आयोगमा पार्टीको विधान बुझाउँदा केन्द्रीय समितिमा रहेका सदस्यहरुबाहेक अन्‍य पदाधिकारी तथा सदस्यको हैसियत खारेज गरिएको छ। मंगलबारको बहुमतको आधारमा गरिएको निर्णयबाट हालै महामन्त्रीमा नियुक्त भएका चार र सहमहामन्त्रीमा नियुक्त भएका तीन जनाको हैसियत समेत राजपाले खारेज गरेको छ।

यसअघि राजपाले केन्द्रीय कार्यालयका सम्पूर्ण कर्मचारीहरुलार्इ बर्खास्त गरेको थियो।

थप पढ्‍नुस्,
राजपामा भाँडभैलो, ‘कार्यकर्ताले नै गरे राजेन्द्रको विरोधमा नाराबाजी’